Մեծ Բրիտանիան դիտարկում է ուկրաինական տարածքում մինչև 5 տարով զորք տեղակայելու հնարավորությունը՝ մինչև Ուկրաինան վերառազմականացվի։ Այս մասին հայտնում է Daily Telegraph թերթը՝ վկայակոչելով աղբյուրները։Լոնդոնում և Փարիզում քննարկվող պլանի համաձայն՝ հակամարտությունը լուծելուց հետո արևմտյան զորքեր կարող են ուղարկվել Ուկրաինա՝ որպես «զսպող ուժ»՝ ռազմական գործողությունների վերսկսումը կանխելու համար: Ինչպես նշում է հրատարակությունը, Ֆրանսիան կարծում է, որ Ռուսաստանը ապագայում ռիսկի չի դիմի ռազմական գործողություն սկսել, եթե Ուկրաինայում լինի արևմտյան ռազմական կոնտինգենտ։
Ըստ թերթի, ենթադրվում է, որ Արևմտյան զորքերի հետագա դուրսբերումը կիրականացվի փուլերով, քանի որ Կիևի ռազմական հնարավորությունները կվերականգնվեն։
The Daily Telegraph-ը հավելել է, որ բացի ցամաքային զորքեր ուղարկելուց, Լոնդոնի և Փարիզի գլխավորած «կամավորների կոալիցիան» մտադիր է ապահովել Ուկրաինայի օդային և ծովային տարածքի պաշտպանությունը։
