Ուկրաինայի եվրոպական և եվրատլանտյան ինտեգրման հարցերով փոխվարչապետ, արդարադատության նախարար Օլհա Ստեֆանիշինան հաստատել է, որ ուրբաթ օրը ԱՄՆ-ում խորհրդակցություններ կանցկացվեն՝ կապված օգտակար հանածոների գործարքի հետ։
Bloomberg-ը, վկայակոչելով աղբյուրները, երեքշաբթի ավելի վաղ հայտնել էր, որ ուկրաինական պատվիրակության այցը, որը կմեկնի Վաշինգտոն՝ ռեսուրսների գործարքի շուրջ բանակցությունների համար, սպասվում է ապրիլի 11-12-ը: Պետքարտուղարության խոսնակ Թամմի Բրյուսը երեքշաբթի օրը հրաժարվել է քննարկել ամերիկա-ուկրաինական հնարավոր բանակցություններն այս շաբաթ Վաշինգտոնում:
«Տեխնիկական խորհրդակցությունները թիմերի միջև, տեղի կունենան ապրիլի 11-ին Վաշինգտոնում»,- ասել է Ստեֆանիշինան՝ ի պատասխան Բրյուսելում ԵՄ-Ուկրաինա գործարար գագաթնաժողովի լրագրողների հարցին։
