Իսրայելը ներկա իրավիճակում այլ երկրների կողմից Պաղեստինի պետականության ճանաչումը համարում է «ահաբեկչության վարձ», - ասել է Իսրայելի արտգործնախարար Գեդեոն Սաարը։ Միաժամանակ, նա կարծիք է հայտնել, որ պաղեստինցիների դեպքում խոսքը «երևակայական պետության» մասին է։
Պաղեստինի ֆիկտիվ պետության «միակողմանի ճանաչումը» ցանկացած երկրի կողմից այն իրականության մեջ, որը մենք բոլորս գիտենք, կլինի ահաբեկչության մրցանակ և աջակցություն ՀԱՄԱՍ-ին: Նման գործողությունները մեր տարածաշրջանին չեն մոտեցնելու խաղաղությունը, անվտանգությունը և կայունությունը, այլ ընդհակառակը, միայն ավելի հեռու են մղելու նրանց», - պնդել է Սաարը, ում հայտարարությունները տարածել է Իսրայելի ԱԳՆ մամուլի ծառայությունը։
Ապրիլի 9-ին Ֆրանսիայի նախագահ Էմանուել Մակրոնը հայտարարել էր, որ Փարիզը կարող է հունիսին ճանաչել Պաղեստինի պետականությունը։ Ֆրանսիայի ղեկավարը նշել է, որ դա կարող է տեղի ունենալ Սաուդյան Արաբիայի ներկայացուցիչների մասնակցությամբ համատեղ համաժողովի ժամանակ։
2024 թվականին, Մերձավոր Արևելքում իրավիճակի վատթարացման լույսի ներքո, Իռլանդիայի, Իսպանիայի և Նորվեգիայի իշխանությունները հայտարարեցին Պաղեստինը ճանաչելու մասին։ Իսրայելն արձագանքեց՝ հայտարարելով Դուբլինից, Մադրիդից և Օսլոյից իր դեսպաններին խորհրդակցությունների համար հետ կանչելու մասին։ Միաժամանակ, հրեական պետության արտաքին գործերի նախարարություն են կանչվել Իռլանդիայի, Իսպանիայի և Նորվեգիայի դիվանագիտական ներկայացուցչությունների ղեկավարները։
