Լեհաստանի վարչապետ Դոնալդ Տուսկը կոչ է արել «առավելագույնը օգտագործել» ԱՄՆ նախագահ Դոնալդ Թրամփի՝ մաքսատուրքերը 90 օրով դադարեցնելու որոշումից։
«Սերտ անդրատլանտյան հարաբերությունների պահպանումը եվրոպացիների և ամերիկացիների ընդհանուր պատասխանատվությունն է՝ անկախ ժամանակավոր ցնցումներից: Այսպիսով, եկեք առավելագույնս օգտագործենք առաջիկա 90 օրերը»,- գրել է Տուսկը X-ում:
Ապրիլի 2-ին Թրամփը գործադիր հրաման է ստորագրել այլ երկրներից ներմուծվող ապրանքների համար «փոխադարձ» մաքսատուրքեր սահմանելու մասին։
Բազային տոկոսադրույքը կազմում էր 10%, ընդ որում երկրների մեծ մասի հետ ավելի բարձր դրույքաչափեր են սպասվում, որոնք ԱՄՆ Առևտրային ներկայացուցչության գրասենյակի պարզաբանմամբ՝ հաշվարկվել են տվյալ երկրի հետ Միացյալ Նահանգների առևտրային դեֆիցիտի հիման վրա, որպեսզի դեֆիցիտի փոխարեն մնացորդ լինի:
Այնուամենայնիվ, ԱՄՆ նախագահը չորեքշաբթի օրը հայտարարել է, որ ԱՄՆ-ն անհապաղ կդադարեցնի հայելային մաքսատուրքերը ավելի քան 75 երկրների համար 90 օրով։
