ԱՄՆ-ը կմեծացնի իր ռազմական ներկայությունը Պանամայում։ Այս մասին Պանամա կատարած այցից հետո հայտարարել է ԱՄՆ պաշտպանության նախարար Փիթ Հեգսեթը։
«Մենք ողջունում ենք այստեղ ամերիկյան զորքերի ներկայությունն ընդլայնելու հնարավորությունը՝ ապահովելու Պանամայի ջրանցքի ինքնիշխանությունը»,-ասել է Պենտագոնի ղեկավարը Պանամայի հանրային անվտանգության նախարար Ֆրենկ Աբրեգոյի հետ համատեղ մամուլի ասուլիսում։
Այն տեղի է ունեցել Պանամա Սիթիում, և Պենտագոնն այն ուղիղ եթերով հեռարձակել է իր կայքում։
Միաժամանակ, ԱՄՆ ռազմական գերատեսչության ղեկավարը խուսափել է պատասխանել այն հարցին, թե արդյոք ԱՄՆ ներկայիս վարչակազմը նախագահ Դոնալդ Թրամփի գլխավորությամբ ճանաչում է Պանամայի ինքնիշխանությունը երկրում գտնվող ջրանցքի նկատմամբ։
