Ուկրաինան շարունակում է հարվածներ հասցնել Ռուսաստանի էներգետիկ ենթակառուցվածքին՝ ապրիլի 4-7-ն ընկած ժամանակահատվածում իրականացվել է 32 հարձակում, մինչդեռ Ռուսաստանը խստորեն պահպանում է մորատորիումը, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Կիևի ռեժիմը շարունակում է ցինիկաբար ամեն օր հարձակումներ գործել Ռուսաստանի էներգետիկ ենթակառուցվածքի վրա: Միևնույն ժամանակ, ռուսական կողմը խստորեն պահպանում է հարձակումների արգելքը. ապրիլի 4-7-ը Ուկրաինայի Զինված ուժերը 32 անգամ հարձակվել են Ռուսաստանի տարածաշրջանների էներգետիկ օբյեկտների վրա»,- ճեպազրույցում ասել է Զախարովան։
Նա հավելել է, որ էներգետիկ ենթակառուցվածքների վրա ուկրաինական բոլոր հարձակումների վերաբերյալ տվյալները փոխանցվում են ԵԱՀԿ-ին, ՄԱԿ-ին և ամերիկյան կողմին՝ որպես բանակցություններ վարելու անկարողության և Վլադիմիր Զելենսկիի և «նրա հանցախմբի» լիակատար անպատասխանատվության կոնկրետ հաստատում։
