Եմենի «Անսար Ալլահ» շարժման հութի ապստամբների դեմ մարտի կեսերին սկսված գործողության ընթացքում ԱՄՆ զինված ուժերը հարվածներ են հասցրել ապստամբների ավելի քան 300 թիրախներին։ Այս մասին հայտնում է քաթարյան Al Jazeera հեռուստաալիքը՝ վկայակոչելով անանուն ամերիկացի պաշտոնյային։
«Մեր զինված ուժերը հարվածներ են հասցրել Եմենում հութիների ավելի քան 300 օբյեկտներին մարտ ամսից սկսած»,- ասել է նա՝ չհստակեցնելով, թե որ թիրախների մասին է խոսքը։Ըստ Վաշինգտոնի, նշել է հեռուստաալիքի աղբյուրը, «հութիները դեռ պահպանում են մարտական ներուժը՝ հարձակումներ իրականացնելու ԱՄՆ ռազմածովային ուժերի նավերի և առևտրային նավերի վրա»։
«Հութիներին հասցված հարվածների արդյունքների գնահատումը շարունակվում է, դեռ վաղ է խոսել դրանց արդյունավետության մասին»,- հավելել է նա։
