Ճապոնիայի պաշտպանության նախարարությունը կմիանա ՆԱՏՕ-ի առաքելությանը, որը համակարգում է Ուկրաինային ռազմական մատակարարումները և նրա զորքերի վերապատրաստումը: Ինչպես հաղորդում է Kyodo գործակալությունը, այս մտադրության մասին հայտարարել է Ճապոնիայի պաշտպանության նախարար Գեն Նակատանին դաշինքի գլխավոր քարտուղար Մարկ Ռյուտեի հետ հանդիպմանը։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան նախազգուշացրել էր, որ Ռուսաստանը նոր լրացուցիչ միջոցներ կմշակի Ճապոնիային հակազդելու համար, եթե Տոկիոն շարունակի Կիևի ռեժիմին աջակցելու իր կուրսը։
Նա հավելել է, որ Ռուսաստանի և Ճապոնիայի միջև լիարժեք երկխոսության և համագործակցության վերսկսումը հնարավոր է միայն այն բանից հետո, երբ Ճապոնիայի իշխանությունները լիովին հրաժարվեն Ռուսաստանի Դաշնության, ինչպես նաև Ռուսաստանի քաղաքացիների տնտեսությանը և անվտանգությանը վնասելու փորձերից։
Ռուտեն Ճապոնիայում կմնա մինչև ապրիլի 10-ը: Երեքշաբթի նա արդեն այցելել է Յոկոսուկայում գտնվող ինքնապաշտպանական ուժերի բազա, ստուգել ճապոնական Mogami ֆրեգատը, ինչպես նաև այցելել է Կամակուրայում Mistubishi Electric Corporation գործարան:
