Իրավիճակը Մերձավոր Արևելքում և Իրանի միջուկային ծրագրի շուրջ գնալով վատանում է Արևմուտքի ոչ կառուցողական դիրքորոշման պատճառով։ Այս մասին լրագրողներին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Իրավիճակը Մերձավոր Արևելքում, Իրանի միջուկային ծրագրի շուրջ ստեղծված իրավիճակը երկար տարիներ գտնվում է միջազգային հանրության ուշադրության կենտրոնում, և, ցավոք, իրավիճակը չի կայունանում: Այն գնալով վատանում է Արևմուտքի ոչ կառուցողական դիրքորոշման պատճառով»,- ասել է դիվանագետը։
Նա հիշեցրել է, որ Մոսկվայում խորհրդակցություններ են անցկացվելու Ռուսաստանի, Չինաստանի և Իրանի միջև Իրանի միջուկային ծրագրի շուրջ։ Դրանց ավարտից հետո արդյունքների մասին մենք անպայման կտեղեկացնենք ԶԼՄ-ներին և միջազգային հանրությանը»,- նշել է Զախարովան։
Մարտի 7-ին ԱՄՆ նախագահ Դոնալդ Թրամփը հայտարարել էր, որ ուղերձ է հղել Իրանի գերագույն առաջնորդ այաթոլլա Ալի Խամենեիին՝ առաջարկելով բանակցություններ վարել միջուկային ծրագրի շուրջ։ Երկուշաբթի օրը հայտնի դարձավ, որ նամակագրությունից հետո կողմերը պայմանավորվել են բանակցությունների առաջին փուլն անցկացնել ապրիլի 12-ին Օմանում։
