ԱՄՆ նախագահ Դոնալդ Թրամփի վարչակազմը դիտարկում է Մեքսիկայում հանցավոր խմբավորումների բազաների և պահեստների դեմ անօդաչու սարքերով հարվածներ հասցնելու հնարավորությունը։ Այս մասին հայտնում է NBC News հեռուստաալիքը՝ վկայակոչելով աղբյուրներին։
Ըստ նրանց տեղեկությունների՝ Սպիտակ տունը, Պենտագոնը և ամերիկյան հետախուզությունը գտնվում են գործողության մշակման նախնական փուլում և ծրագրում են այն իրականացնել Մեքսիկայի հետ համատեղ, քանի որ անօդաչու թռչող սարքերի օգտագործմամբ հարվածները պահանջում են Մեքսիկայի իշխանությունների թույլտվությունը։
Միաժամանակ դիտարկվում է միակողմանի գործողությունների տարբերակը։ Ամերիկյան վարչակազմի ներկայացուցիչների մեծ մասը դեմ է դրան, քանի որ այդ հարձակումները կարող են հանգեցնել Մեքսիկայի հետ հարաբերությունների խզման և սպառնալ հետագա համագործակցությանը անօրինական միգրացիայի դեմ պայքարում, նշում են հեռուստաալիքի զրուցակիցները։
Միաժամանակ, նրանք չեն բացառում, որ ԱՄՆ-ը կարող է առանց իր համաձայնության Մեքսիկայի տարածքում թմրակարտելների դեմ գաղտնի գործողություններ իրականացնել։
