Զինված շիա խմբավորումները, որոնք «Իրաքի իսլամական դիմադրության» մաս են կազմում, պատրաստ են վայր դնել զենքերը՝ Բաղդադի և Վաշինգտոնի միջև հակամարտության սրումը կանխելու համար։ Այս մասին հայտնում է Reuters գործակալությունը՝ վկայակոչելով խմբավորումների անդամներին։
Գործակալության աղբյուրների համաձայն՝ խմբավորման առաջնորդների և Իրաքի վարչապետ Մուհամեդ աս-Սուդանիի զինաթափման շուրջ բանակցությունները «զգալի առաջընթաց են գրանցել», և նրանք, իրենց հերթին, հակված են ընդառաջել զենքերը վայր դնելու ԱՄՆ կոչերին։
Իրանի Իսլամական հեղափոխության պահապանների կորպուսը (ԻՀՊԿ, Զինված ուժերի էլիտար ստորաբաժանումներ), լինելով դիմադրության ուժերի հիմնական դաշնակիցը, իրաքյան ուժերին հնարավորություն է տվել ինքնուրույն որոշումներ կայացնել Վաշինգտոնի հետ հարաբերությունների դեէսկալացիայի հարցում, նշում են աղբյուրները։
Իրաքցի քաղաքական գործիչներից մեկը հաստատել է Reuters-ին, որ դիմադրության ուժերը «լիովին տեղյակ են» ամերիկյան ուժերի թիրախ դառնալու հնարավորության մասին:
