Գազայի հատվածում իսրայելական ռազմական գործողությունների հետևանքով զոհերի թիվը երկուշաբթի առավոտից ավելացել է 59-ով, հայտնում է Al Jazeera քաթարյան հեռուստաալիքը՝ վկայակոչելով պաղեստինյան բժշկական աղբյուրները։Ավելի վաղ անկլավի առողջապահության նախարարությունը մեջբերել էր տվյալներ, որոնք ցույց են տալիս, որ մարտի 18-ից ի վեր այնտեղ զոհվել է 1391 մարդ, ևս 3434-ը վիրավորվել է։
Գերատեսչությունը նաև նշել է, որ 2023 թվականի հոկտեմբերից ի վեր զոհերի ընդհանուր թիվը հասել է 50752-ի, ևս 115475 մարդ վիրավորվել է։
Արաբական հեռուստաալիքների տվյալներով՝ իսրայելական բանակը շարունակում է ինտենսիվ ավիահարվածներ ու հրետանային ռմբակոծություններ իրականացնել անկլավի բոլոր շրջանների ուղղությամբ։Իրավիճակը Մերձավոր Արևելքում կտրուկ վատթարացել է 2023 թվականի հոկտեմբերի 7-ին Գազայի հատվածից Իսրայելի տարածք պաղեստինյան արմատական ՀԱՄԱՍ շարժման զինված աջակիցների ներթափանցումից հետո, որն ուղեկցվել է սահմանամերձ բնակավայրերի բնակիչների սպանություններով և պատանդներ վերցնելով։
