Ավստրիայի էկոնոմիկայի, էներգետիկայի և զբոսաշրջության նախարար Վոլֆգանգ Հաթմանդսդորֆերը (Ավստրիայի ժողովրդական կուսակցությունից) կոչ է արել բանակցություններ վարել ամերիկացի առաջնորդ Դոնալդ Թրամփի հետ մաքսատուրքերի թեմայի շուրջ, իսկ ձախողման դեպքում առաջարկել է պատասխան միջոցների նոր փաթեթ պատրաստել։
Ակնկալվում է, որ Եվրամիությունը ապրիլի 9-ին պատասխան կպատրաստի ԱՄՆ նախագահ Դոնալդ Թրամփի կողմից ԱՄՆ ներկրվող պողպատի և ալյումինի ավելի վաղ մաքսատուրքերին, հաղորդում է Politico-ն:
«Ամենակարևոր նպատակը պետք է լինեն վաղ բանակցությունները: Մենք ամենամեծ ներքին շուկան ունենք, մենք չպետք է վախենանք Դոնալդ Թրամփից», - ասել է նա Լյուքսեմբուրգում ԵՄ առևտրի նախարարների հանդիպման շրջանակում։ Նախարարի մամուլի մոտեցումը հեռարձակվել է Եվրահանձնաժողովի կայքում։
Նրա խոսքով՝ շեշտը պետք է դրվի Ամերիկայի հետ բանակցությունների վրա։
