Իրանի կառավարությունը կասկածում է, որ ԱՄՆ-ը կընդունի Իրանի միջուկային ծրագրի շուրջ կողմերի միջեւ անուղղակի բանակցություններ վարելու Թեհրանի առաջարկը։ Այդ մասին այսօր հաղորդել Է իրաքյան Բաղդադ լրատվական պորտալը:
«Մենք՝ իրանական կողմը, վստահ չենք, որ Վաշինգտոնը կհամաձայնի Թեհրանի հետ անուղղակի երկխոսության գաղափարին», - պարզաբանել է իրանական կաբինետի աղբյուրը։ Նրա կարծիքով՝ ԱՄՆ նախագահ Դոնալդ Թրամփը «չափազանց շատ է սիրում հրապարակայնությունը և ձգտում է իրեն ներկայացնել որպես համաձայնությունների ստեղծող»։
Միևնույն ժամանակ, այս աղբյուրը ենթադրում է, որ ամերիկացի առաջնորդը «կարող է դրական վերաբերմունք ունենալ ուղղակի բանակցությունների նկատմամբ, եթե անուղղակի երկխոսությունը բերի արդյունքներ, որոնք կծառայեն նրա լրատվական և քաղաքական նկրտումներին»։
Իրանի կառավարության աղբյուրը զգուշացրել է Թեհրանի հասցեին ԱՄՆ նախագահի սպառնալիքները թերագնահատելու վտանգի մասին։ Նրա խոսքով՝ «չնայած Թրամփի չափազանցության հակմանը, նրա սպառնալիքները չպետք է դիտարկել պարզապես դատարկ հայտարարություններ»։
