Եվրոպական երկրները պետք է ժամանակ տրամադրեն պատասխան միջոցներ ձեռնարկելու և ԱՄՆ-ի հետ առևտրի սրացումից խուսափելու համար այն բանից հետո, երբ ԱՄՆ վարչակազմը հայտարարեց ԵՄ-ից ապրանքների ներմուծման մաքսատուրքերի մասին: Այս մասին հայտարարել է Լիտվայի արտգործնախարար Կեստուտիս Բուդրիսը։
«Մենք պետք է խուսափենք էսկալացիոն միջոցներից: Մենք պետք է լուծում գտնենք բանակցությունների միջոցով: Լիտվան հանդես է գալիս այդ ուղղությամբ կոնկրետ քայլերի համար», - ասել է նա Լյուքսեմբուրգում ԵՄ առևտրի նախարարների չնախատեսված հանդիպմանը ժամանելուն պես:
Արտգործնախարարի խոսքով՝ եվրոպական երկրները պետք է ցույց տան իրենց ամերիկացի գործընկերներին, որ ունեն ԱՄՆ առևտրային քաղաքականության վրա ազդելու լծակներ և կարող են հակաքայլեր ձեռնարկել։ Միևնույն ժամանակ, Բադրիսը կարծում է, որ չի կարելի «այս լծակներն օգտագործել հենց հիմա»։ «Պետք է դրանք մի կողմ դնենք և բանակցենք»,- ընդգծել է նա։
