ԱՄՆ-ի հետ ուղիղ բանակցություններն անիմաստ են։ ՏԱՍՍ-ի փոխանցմամբ՝ այս մասին հայտարարել է Իրանի արտգործնախարար Աբբաս Արաղչին։
«Ուղիղ բանակցությունները մի կողմի հետ, որը մշտապես սպառնում է ուժ կիրառել, և որը հակասական դիրքորոշումներ է հայտնում իր տարբեր պաշտոնյաների միջոցով, իմաստ չունի»,- ասել է արտգործնախարարը՝ Agence France-Presse-ին տված հայտարարության մեջ։
Մարտի 7-ին ԱՄՆ նախագահ Դոնալդ Թրամփը հայտարարեց, որ ուղերձ է հղել Իրանի գերագույն առաջնորդ այաթոլլա Ալի Խամենեիին՝ միջուկային ծրագրի շուրջ բանակցություններ վարելու առաջարկով։ Թեհրանը հրաժարվեց Վաշինգտոնի հետ ուղիղ երկխոսությունից, սակայն թույլ տվեց բանակցությունները շարունակել միջնորդների միջոցով։
Մարտի 30- ին ԱՄՆ առաջնորդը հայտարարել էր, որ երկու շաբաթից լրացուցիչ մաքսատուրքեր կսահմանի Իրանի նկատմամբ, եթե միջուկային ծրագրի շուրջ բանակցություններն արդյունք չտան: Նա նաև սպառնացել Է Իսլամական Հանրապետությանը աննախադեպ ռմբակոծություններով գործարքից ամբողջությամբ հրաժարվելու դեպքում: Ի պատասխան Խամենեին նշել է, որ չի հավատում ԱՄՆ-ի ռազմական ներխուժման հավանականությանը, բայց զգուշացրել է, որ Իրանում անկարգություններ հրահրելու Վաշինգտոնի ցանկացած փորձ վճռական հակահարված կստանա:
