Ուկրաինայի նախագահ Վլադիմիր Զելենսկին հայտարարել է, որ իրեն տհաճորեն զարմացրել է ԱՄՆ ղեկավարության արձագանքը Կրիվոյ Ռոգին ռուսական հարվածին։ Այս մասին նա գրել է իր Telegram ալիքում։
«Երկիրն այնքան ուժեղ է, ժողովուրդն այնքան ուժեղ է, և արձագանքը՝ այնքան թույլ»,- գրել է Զելենսկին՝ նշելով, որ ամերիկացի դիվանագետները վախենում են արտասանել «ռուս» բառը։
Նախագահը միաժամանակ շնորհակալություն է հայտնել Չեխիայի, Ֆինլանդիայի, Լիտվայի, Լատվիայի, Էստոնիայի և Ավստրիայի արտաքին գործերի նախարարություններին, ինչպես նաև Եվրոպական միության արտաքին քաղաքականության և անվտանգության հարցերով բարձր ներկայացուցչին՝ սկզբունքային դիրքորոշման համար։
Զելենսկին կոչ է արել ճնշում գործադրել Ռուսաստանի վրա և նոր պատժամիջոցներ սահմանել նրա դեմ։ Նա նաև հավելել է, որ Կիևը բանակցում է Վաշինգտոնի հետ հակաօդային պաշտպանության նոր համակարգերի տրամադրման շուրջ։ Վաշինգտոնն իր հերթին, ըստ նրա, խոստացել է օգնել լրացուցիչ Patriot զենիթահրթիռային համակարգերի որոնման հարցում։
Ապրիլի 4-ին ՌԴ ՊՆ-ն հայտնել էր, որ ռուսական զորքերը հրթիռային հարձակում են գործել Ուկրաինայի Կրիվոյ Ռոգ քաղաքի ռեստորանի վրա, որտեղ հանդիպում էր անցկացվում կազմավորման հրամանատարների և արևմտյան հրահանգիչների հետ։ Գերատեսչության տվյալներով՝ հակառակորդը կորցրել է օտարերկրյա պետությունների մինչև 85 զինծառայող և սպա, ինչպես նաև մինչև 20 մեքենա։
Թարգմանությունը՝ Euromedia24.com-ի
