Միացյալ Նահանգները հանձնառու է կանխել Գրենլանդիայի կախվածությունը Չինաստանից, սակայն Կոպենհագենը պետք է ընդունի, որ կղզին ցանկանում է անկախանալ Դանիայից: Այս մասին հայտարարել է ԱՄՆ պետքարտուղար Մարկո Ռուբիոն։
«Գրենլանդիայի ժողովուրդը հասկացրել է, որ ցանկանում է անկախ լինել Դանիայից: Դանիան պետք է կենտրոնանա այն բանի վրա, որ Գրենլանդիան չի ցանկանում լինել Դանիայի կազմում: Մենք նրանց չենք տվել այս գաղափարը, նրանք իրենք են երկար ժամանակ խոսում այդ մասին:
Երբ ուզեն, այս որոշումը կկայացնեն։ Բայց այն, ինչ Միացյալ Նահանգները չենք պատրաստվում անել, այն է, որ թույլ տանք, որ Չինաստանը գա և գրենլանդացիներին տոննա փող առաջարկի, որպեսզի նրանք կախվածություն ունենան Չինաստանից», - ասել է նա Բրյուսելում ՆԱՏՕ-ի արտգործնախարարների հանդիպմանը հաջորդած մամուլի ասուլիսում, որը հեռարձակվել է C-SPAN-ով:
Պետքարտուղարը նշել է, որ Միացյալ Նահանգները հարգում է գրենլանդացիների ինքնորոշման իրավունքը։ Մեկնաբանելով ԱՄՆ նախագահ Դոնալդ Թրամփի խոսքերն այն մասին, որ Վաշինգտոնը չի բացառում կղզու դեմ ռազմական սցենարը, Ռուբիոն պարզաբանել է, որ ամերիկացի առաջնորդը նկատի ուներ միայն Չինաստանի կամ այլ երկրի կողմից Գրենլանդիայի վրա հարձակման հիպոթետիկ իրավիճակը։
