Հյուսիսատլանտյան դաշինքը կշարունակի ռազմական աջակցություն ցուցաբերել Կիևին Վիսբադենում իր հրամանատարության միջոցով, որը համակարգում է ռազմական մատակարարումները, ինչպես նաև Ուկրաինայում իր ներկայացուցչության միջոցով: Այս մասին հայտարարել է կազմակերպության գլխավոր քարտուղար Մարկ Ռյուտեն ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում, որին առաջին անգամ մասնակցել է ԱՄՆ պետքարտուղար Մարկո Ռուբիոն։
«ՆԱՏՕ-ն կշարունակի աջակցել Ուկրաինային Վիսբադենի հրամանատարության և Ուկրաինայում մեր ներկայացուցչության միջոցով»,-ասել է նա։
Գլխավոր քարտուղարն աջակցել է հրադադարի շուրջ համաձայնության գալու ԱՄՆ-ի փորձերին, բայց նաև ողջունել է ՆԱՏՕ-ի եվրոպական երկրների կողմից Ուկրաինա զորքեր ուղարկելու հնարավորության վերաբերյալ քննարկումները:
Ռյուտեն ընդգծել է, որ հակամարտության ավարտից հետո ՆԱՏՕ-ն մտադիր է զինել Ուկրաինային, որպեսզի «Ռուսաստանն այլևս չկարողանա ձեռք բերել ոչ մի քառակուսի կիլոմետր տարածք»։
