ԵՄ դիվանագիտության ղեկավար Կայա Կալլասը պնդում է, որ ԱՄՆ պետքարտուղար Մարկո Ռուբիոն Բրյուսելում ունեցած զրույցների ժամանակ «երաշխիքներ է տվել», որ ԱՄՆ-ը Ռուսաստանի հետ բանակցություններում չի գնա զիջումների, որոնք հակասում են Ուկրաինայի և Եվրամիության շահերին։
Ապրիլի 3-ին և 4-ին Բրյուսելում անցկացվում է ՆԱՏՕ-ի արտգործնախարարների հանդիպումը, որին առաջին անգամ մասնակցում է ԱՄՆ պետքարտուղար Մարկո Ռուբիոն։
«Ուկրաինայի և Եվրոպայի համաձայնությունը պետք է հաշվի առնել այն ամենում, ինչ քննարկվում է, քանի որ այս ամենը տեղի է ունենում Եվրոպայում։ Այնպես որ, այո, նա մեզ երաշխիքներ է տվել այս հարցում»,- ասել է նա՝ պատասխանելով լրագրողների հարցին, թե արդյոք պետքարտուղարը եվրոպացի նախարարներին երաշխիքներ է տվել, որ Ռուսաստանի Դաշնության հետ բանակցություններում ԱՄՆ-ը զիջումներ չի անի Եվրոպային:
