ՌԴ ԱԻՆ մասնագետները երկրաշարժից հետո ուսումնասիրել են 45 օբյեկտ, 86,4 հազար «քառակուսի» տարածք և օգնել Մյանմայի 120 քաղաքացու, հայտնում է նախարարության մամուլի ծառայությունը։
Մարտի 28-ին Մյանմայում 7,7 մագնիտուդ ուժգնությամբ երկրաշարժ է տեղի ունեցել, ցնցումները զգացվել են հարևան հինգ երկրներում, այդ թվում՝ Թաիլանդում։ Վերջին տվյալներով՝ երկրաշարժի զոհերի թիվը գերազանցել է 2 հազարը, տուժել է մոտ 4,5 հազար մարդ, եւս մոտ 370-ը անհետ կորել են։
«Ռուսաստանի ԱԻՆ փրկարարները շարունակում են օգնություն ցուցաբերել Մյանմայի երկրաշարժից տուժածներին։ Վերջին 24 ժամվա ընթացքում հետազոտվել է 10 օբյեկտ (ընդհանուր 45), ավելի քան 8,9 հազար քառակուսի մետր տարածք (ընդհանուր 86,4 հազար քառակուսի մետր)՝ պարզելու, թե արդյոք փլատակների տակ կան տուժածներ։
Հիվանդանոցի գործունեության մեկնարկից ի վեր ավելի քան 120 քաղաքացիներ դիմել են բժիշկներին բուժօգնության համար»,- ասվում է ԱԻՆ հաղորդագրության մեջ։
