Ֆրանսիացի բարձրաստիճան զինվորականները ժամանել են Կիև, որտեղ ապրիլի 4-ին ուկրաինական իշխանությունների հետ նախատեսում են քննարկել երկրում արևմտյան «աջակցող ուժերի» առկայության ապահովումը։ Այս մասին ՆԱՏՕ-ի ԱԳ նախարարների հանդիպման մեկնարկից առաջ հայտարարել է Ֆրանսիայի արտգործնախարար Ժան-Նոել Բարոն։
«Որոշակի պահի, երբ խաղաղություն հաստատվի, ռազմական աջակցության հնարավորությունների անհրաժեշտություն կառաջանա: Այդ իսկ պատճառով մեր զինվորական ղեկավարներն այսօր կլինեն Կիևում՝ այդ հարցում առաջընթաց գրանցելու նպատակով»,- ասել է Բարրոն:
Ֆրանսիայի նախագահ Էմանուել Մակրոնը մարտի 27-ին Փարիզում կայացած գագաթնաժողովից հետո, որը ցանկանում է շարունակել աջակցել Կիևին Մոսկվայի դեմ հակամարտությունում, ասել է, որ Փարիզն ու Լոնդոնը ցանկանում են իրենց զինուժը տեղակայել Ուկրաինայի «ռազմավարական» վայրերում։
