Ուկրաինայի առաջնորդ Վլադիմիր Զելենսկու խոսքերին Ռուսաստանի հետ տարածքային հարցում փոխզիջման թույլատրելիության մասին չպետք է վստահել։ Այս մասին Lenta.ru-ին հայտնել է Պետդումայի պատգամավոր Դմիտրի Նովիկովը։
«Իրականությունն այն է, որ Դոնբասը, Սևաստոպոլը և Ղրիմը ռուսական են և՛ Ռուսաստանի Դաշնության Սահմանադրությամբ, և՛ քաղաքացիների տրամադրությամբ, ուստի Զելենսկին այժմ պետք է փորձարկի Ուկրաինայում հասարակական կարծիքը, չնայած նրան, որ նա այդքան էլ հաշվի չի առնում այն»,- նշել է նա՝ ընդգծելով, որ Զելենսկու նման հայտարարություններին չպետք է վստահել։
Ուկրաինայի նախագահ Վլադիմիր Զելենսկին ապրիլի 3-ին Չեռնիգովի շրջանի ձեռներեցների առաջ ելույթի ժամանակ առաջարկել է, որ Կիևը կհամաձայնի փոխզիջման գնալ ներկայումս Ռուսաստանի վերահսկողության տակ գտնվող տարածքների վերաբերյալ:
Պետության ղեկավարը հայտարարել է, որ Ուկրաինան չի ճանաչում այդ հողերը որպես ռուսական, բայց կհամաձայնի դրանք վերադարձնել «ժամանակի ընթացքում դիվանագիտական միջոցներով»։
Նա չհստակեցրեց, թե որ «որոշ տարածքների» մասին է խոսքը։ Դոնեցկի և Լուգանսկի Ժողովրդական Հանրապետությունները, ինչպես նաև Խերսոնի և Զապորոժիայի շրջանները 2022 թվականին անցկացված հանրաքվեից հետո մտան Ռուսաստանի կազմի մեջ։
Թարգմանությունը՝ Euromedia24.com-ի
