Փարիզում ոստիկանությունն արցունքաբեր գազ է կիրառել և մահակներով հարձակվել ցուցարարների վրա՝ ընդդեմ պետական հատվածի կրճատումների և ԱՄՆ-ի կողմից սահմանված մաքսատուրքերի, հայտնում է RIA Novosti-ի թղթակիցը:
Փարիզում, կրթական ոլորտի ինը արհմիությունների կոչով, ուսուցիչներն ու ուսանողները դուրս են եկել ցույցի։ Ակցիան սկսվել է կրթության նախարարությունից։ Մասնակիցները կրել են նախկին վարչապետ, իսկ այժմ Ֆրանսիայի կրթության նախարար Էլիզաբեթ Բորնին քննադատող պաստառներ։
Ցուցարարները բարիկադներ են տեղադրել, այրել աղբամանները և փորձել ջարդել խանութների ցուցափեղկերն ու բանկոմատները: Ցույցի սկսվելուց անմիջապես հետո սկսվել են բախումներ ուսանողների և ոստիկանների միջև։
Ցուցարարները կիրառել են ռումբեր, ինչպես նաև ճայթրուկներ նետել իրավապահների վրա։ Ոստիկանները մահակներով սկսել են հետ մղել ագրեսիվ ցուցարարներին, կիրառվել է արցունքաբեր գազ։
