ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ «Ազգային հանրահավաք» կուսակցության առաջնորդ Մարին Լը Պենի նկատմամբ կայացված դատավճիռը եվրոպական իշխող շրջանակների կողմից քաղաքական տարածքի հերթական «զտումն» է։
Ավելի վաղ ֆրանսիական դատարանը Լը Պենին դատապարտել էր հինգ տարով ընտրություններին մասնակցելու արգելքով։
«Տպավորություն է ստեղծվում, որ Եվրոպայում իշխող շրջանակները, փորձելով ԵՄ-ն վերածել Ռուսաստանի հետ առճակատմանն ուղղված ռազմական բլոկի, սկսել են ավելի մեծ եռանդով մաքրել սեփական քաղաքական տարածքը», - ասել է Զախարովան ճեպազրույցում:
Նա ուշադրություն է հրավիրել այն փաստի վրա, որ Լը Պենը «վերջին ամիսների քաղաքական հալածանքների, ջարդերի և բռնաճնշումների այս երկար շղթայի միայն օղակներից մեկն է»։
