Եվրամիությունը, ինչպես «խորտակվող նավը», խորտակվում է՝ չկարողանալով հաղթահարել անգամ տեղական ճգնաժամերը։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Եվրամիությունը խորտակվում է, նրա տնտեսությունը, քաղաքականությունը, արդյունաբերությունը, արտադրությունը, ֆինանսները, ամեն ինչ անկում է ապրում, դա ակնհայտ է»,- ասել է դիվանագետը։
Նրա խոսքով՝ ապրիլի 3-ի գիշերը Վաշինգտոնից ստացված լուրը «հավելյալ տեղեկատվություն է դարձել արդեն իսկ առկա տվյալներին, որ ՀՆԱ-ի տնտեսական աճի տվյալ տեմպերը վիճակված չէ իրականանալ այն տեսքով, ինչ Բրյուսելը հաղորդում էր մի քանի տարի առաջ»։
Միևնույն ժամանակ, Զախարովան ԵՄ-ն անվանել է «խորտակվող նավ, որն ամեն ինչից պայթում է»։
ՌԴ ԱԳՆ պաշտոնական ներկայացուցիչը հավելել է, որ ԵՄ-ն չի կարողացել գլուխ հանել անգամ ուկրաինական տեղական ճգնաժամից։
