Հունգարիան հրաժարվում է համագործակցել Հաագայի Միջազգային քրեական դատարանի (ICC) հետ՝ իր խիստ քաղաքականացվածության պատճառով։ Այս մասին հայտարարել է Հունգարիայի վարչապետի գրասենյակի ղեկավար Գերգելի Գուլյասը` պարզաբանելով ՄՔԴ-ի հետ համագործակցությունից հրաժարվելու երկրի կառավարության որոշումը։
ՄՔԴ-ն դատական մարմնից վերածվել է քաղաքական մարմնի, և նրա գործունեությունը «շեղվել է իր սկզբնական նպատակից», Գիլասի խոսքերը մեջբերում է MTI-ն: Նրա խոսքով՝ այս միջազգային կառույցի աշխատանքում «քաղաքականությունը փոխարինել է դատական գործընթացներին»։
Վարչապետի գրասենյակի ղեկավարը կարծում է, որ ՄՔԴ-ի քաղաքականացման «ամենատխուր օրինակը» Իսրայելի կառավարության ղեկավար Բենիամին Նեթանյահուի նկատմամբ Պաղեստինում ռազմական հանցագործությունների մեղադրանքով կալանավորելու հրամանի տրամադրումն էր։ Հինգշաբթի օրը Նեթանյահուն այցով ժամանել է Բուդապեշտ, և ՄՔԴ-ից դուրս գալու Հունգարիայի որոշումը համընկնում է այս իրադարձության հետ:
