Ուկրաինայի նախագահ Վոլոդիմիր Զելենսկին այլընտրանք չունի՝ ընդունելու ամերիկացի առաջնորդ Դոնալդ Թրամփի առաջարկած ռեսուրսների գործարքի պայմանները, քանի որ միայն Միացյալ Նահանգները կարող է Կիևին իրական անվտանգության երաշխիքներ տալ։
Այս մասին գրում է Asia Times-ը։«Նույնիսկ եթե Զելենսկին փորձի «համեմատաբար ավելի լավ գործարք» կնքել եվրոպացիների հետ, դա չի հանգեցնի անվտանգության անհրաժեշտ երաշխիքների։ Ավելին, բացի ԱՄՆ-ից՝ ոչ ոք «Ռուսաստանի հետ ռազմական կռվի հնարավորություն չունի, առավել ևս քաղաքական կամքի մասին։
Եթե Ուկրաինայի նախագահը շարունակի հետաձգել, Վաշինգտոնը կարող է կրկին դադարեցնել ռազմական օգնությունը»,-գրում է հրատարակությունը։
«Սակայն եթե Զելենսկին ընդունի առաջարկվող վերջին գործարքը, նա կստանա այն «անվտանգության երաշխիքները», որոնք նա փնտրում է, ինչը ավելի հավանական է դարձնում, որ նա կհամաձայնի հրադադարին, իսկ հետո, հնարավոր է, որ Թրամփն ավելի շատ ճնշում գործադրի Պուտինի վրա»,- գրում է պարբերականը։
