Եվրախորհրդարանի առևտրի հանձնաժողովի ղեկավար Բերնդ Լանգը չի բացառել, որ ԵՄ-ն կքննարկի ամերիկյան տեխնոլոգիական հսկաների դեմ առևտրային միջոցների ներդրումը որպես ԱՄՆ-ի մաքսատուրքերի պատասխան միջոց։
«Այո, օրինականորեն մենք կարող ենք միջոցներ կիրառել ապրանքների, բայց նաև ծառայությունների հետ կապված: Եվ մենք գիտենք, որ մենք, որպես Եվրամիություն, ունենք մոտ հարյուր միլիարդ եվրոյի դեֆիցիտ, իսկ ամերիկյան տեխնոլոգիական հսկաների շրջանառությունը, որ նրանք ստանում են այստեղ, Եվրամիությունում, կազմում է մոտ 30%:
Եվ, իհարկե, եթե մենք իսկապես գտնվում ենք էսկալացիայի կետում, մենք կշրջվենք և միջոցներ կդիտարկենք տեխնոլոգիական հսկաների դեմ»,- ասել է նա՝ պատասխանելով հարցին, թե Եվրախորհրդարանը ակնկալում է մաքսատուրքեր սահմանել ամերիկյան թվային տեխնոլոգիական ընկերությունների դեմ, ինչպիսիք են Google-ը, Apple-ը, Meta-ն՝ որպես պատասխան ԱՄՆ-ի սակագների։
Թրամփը հայտարարել է այլ երկրներից ներմուծվող ապրանքների համար «փոխադարձ» մաքսատուրքեր սահմանելու մասին։ Նվազագույն բազային դրույքաչափը կկազմի 10%, բայց յուրաքանչյուր երկիր կունենա չափորոշված մաքսատուրք, որը կկազմի ամերիկյան ապրանքներ ներկրող ընկերություններից գանձվողի կեսը:
