Իսրայելի վարչապետ Բենիամին Նեթանյահուն պաշտոնական այցով ժամանել է Բուդապեշտ, որտեղ երկօրյա բանակցություններ կվարի Հունգարիայի վարչապետ Վիկտոր Օրբանի հետ։ Սպասվում է, որ նրանք կքննարկեն իրավիճակը Մերձավոր Արևելքում և երկկողմ համագործակցության զարգացումը, այդ թվում՝ տնտեսական ոլորտում։
«Բարի գալուստ Բուդապեշտ, Իսրայելի վարչապետ Բենիամին Նեթանյահու», - գրել է Հունգարիայի պաշտպանության նախարար Կրիստոֆ Շալայ-Բոբրովնիցկին Facebook-ում:
Ինչպես հաղորդում է The Times of Israel-ը, Բուդապեշտում բանակցությունների թեմաներից մեկը կարող է լինել ԱՄՆ նախագահ Դոնալդ Թրամփի առաջարկը՝ Գազայի հատվածը վերածել Միջերկրական ծովի միջազգային հանգստավայրի այն բանից հետո, երբ պաղեստինյան անկլավի բնակիչները վերաբնակեցվեն այլ երկրներ։
«Նեթանյահուն փորձում է ստեղծել որքան հնարավոր է շատ երկրների կոալիցիա, որոնք կաջակցեն Թրամփի Գազայի պլանին»,- ասել է աղբյուրը։
