Արեւմտյան երկրները պատժում են Վրաստանին խաղաղության կողմն անցնելու եւ պատերազմից հրաժարվելու համար։ Այս մասին «Իմեդի» հեռուստաալիքին տված հարցազրույցում ասել է Վրաստանի ԱԳՆ ղեկավար Մակա Բոչորիշվիլին։«Վրաստանը պատժվում է իշխանությունների կատարած ընտրության համար:
Վրաստանի իշխանությունները ընտրություն կատարեցին հօգուտ խաղաղության, ոչ թե պատերազմի:
Իշխանությունները հրաժարվեցին պատերազմից, մեր երկրում անկայունությունից: Եվ այդ պատճառով մենք որոշակի ուժերի կողմից նման ճնշում ստացանք վրացական պետության վրա», -ասել է Բոչորիշվիլին:
Ինչպես նշել է ԱԳՆ ղեկավարը, այս ճնշումը շարունակվում է, նման գործողություններ իրականացնող ուժերը չեն հեռացել։ Բոչորիշվիլիի խոսքով՝ ոմանք դեռ շարունակում են շահագրգռված մնալ Վրաստանում անկայուն իրավիճակով։
