ԱՄՆ-ը սխալ հաշվարկներ է արել՝ մտածելով, որ կկարողանա Իրանին թելադրել իր պայմաններն այն սցենարով, որը տեղի է ունենում Ուկրաինայի հետ։ Այս մասին հայտարարել է Իրանի խորհրդարանի ազգային անվտանգության եւ արտաքին քաղաքականության հանձնաժողովի անդամ Աբոլֆազլ Զոհրեւանդը։
«Ամերիկացիները, օգտագործելով հոգեբանական գործողություններ, փորձում են Իրանին թույլ երկիր ներկայացնել, որպեսզի տպավորություն ստեղծվի, որ Իսլամական Հանրապետությունն իր թուլության պատճառով պատրաստ է ընդունել ԱՄՆ նախագահ Դոնալդ
Թրամփի բոլոր պայմանները, ինչպես դա արեց Վլադիմիր Զելենսկին: Բայց դա այդպես չէ, նրանք սխալվեցին», - ասել է նա:
Խորհրդարանականի խոսքով՝ Իրանը շատ ավելի մեծ հնարավորություններ ու ներուժ ունի, քան Ուկրաինան, եւ Թրամփը դա շատ լավ գիտի։
Մարտի 7-ին Թրամփը Truth սոցիալական ցանցի իր էջում գրել է, որ ուղերձ է հղել Իրանի գերագույն առաջնորդ Ալի Խամենեիին՝ առաջարկելով բանակցություններ վարել իրանական միջուկային ծրագրի շուրջ։
