Ադրբեջանի նախագահ Իլհամ Ալիևը հայտարարել է, որ այսօր Ադրբեջանի և Հայաստանի դիրքորոշումները խաղաղության հասնելու հարցում բավականին մոտ են: Ալիևն այս մասին խոսել է Գերմանիայի նախագահ Ֆրանկ-Վալտեր Շտայնմայերի հետ համատեղ մամուլի ասուլիսի ժամանակ, գրում է APA-ն:
«Սա Գերմանիայի նախագահի առաջին պաշտոնական այցն է Ադրբեջան երկկողմ հարաբերությունների պատմության մեջ, և ես վստահ եմ, որ դրա արդյունքներն էլ ավելի կմոտեցնեն մեր երկրներին»,-վստահություն հայտնելով, որ Գերմանիայի նախագահի այցն Ադրբեջան դրական արդյունքներ կունենա, ասել է Ալիևը։
