Աշխարհի մի քանի առաջնորդներ գաղտնի բանակցություններ են վարել Ռուսաստանի նախագահ Վլադիմիր Պուտինի հետ։ Այս մասին հայտարարել է Սերբիայի ղեկավար Ալեքսանդր Վուչիչը։
«Ես Պուտինին երեք տարի չեմ տեսել, և նրանցից շատերը (համաշխարհային առաջնորդները,- նշում է ՏԱՍՍ-ը) գաղտնի զրուցել են նրա հետ: Եվ ես գիտեմ առնվազն երկու ազդեցիկ համաշխարհային առաջնորդների, ովքեր գաղտնի խոսել են նրա հետ», - ասել է նա բլոգեր Մարիո Նաուֆալի հետ հարցազրույցում: Վուչիչը պարզաբանել է, որ վերջին անգամ ՌԴ նախագահի հետ հանդիպել է 2021 թվականի նոյեմբերի 25-ին Սոչիում։ Նրանց հաջորդ հանդիպումը նախատեսված է մայիսի 9-ին, հավելել է նա։
Ինչպես մարտի 7-ին հայտնել է Կրեմլի մամուլի ծառայությունը, Վուչիչը հաստատել է, որ գալու է Մոսկվա՝ նշելու Հաղթանակի 80-ամյակը, ինչպես նաև ուղարկելու է Սերբիայի զինված ուժերի ստորաբաժանումը՝ մասնակցելու մայիսի 9-ի շքերթին։
