Ռուսաստանն ու ԱՄՆ-ը նոր հանդիպում են նախապատրաստում երկկողմ հարաբերություններում գրգռիչների վերացման և շփումների կարգավորման համար, «ՌԻԱ Նովոստիի» փոխանցմամբ՝ այդ մասին լրագրողներին հայտնել Է ՌԴ արտգործնախարար Սերգեյ Լավրովը:
Արտգործնախարարի խոսքով ՝ Մոսկվան և Վաշինգտոնը երկու երկրների նախագահների հավանությամբ աշխատում են երկու մայրաքաղաքներում դեսպանատների «այսպես կոչված գրգռիչների վերացման» թեմայի շուրջ:
«Ստամբուլում հանդիպում է եղել, այժմ պատրաստվում է երկրորդ հանդիպումը, այդ ընթացքում կապեր են հաստատվում հեռախոսով և տեսակոնֆերանսով։ Ես չեմ ցանկանում կանխատեսումներ անել, բայց մենք տեսնում ենք առաջընթաց և մեր ամերիկացի գործընկերների ցանկությունը՝ վերացնել այդ խոչընդոտները մայրաքաղաքներում դիվանագետների բնականոն աշխատանքի համար, որոնք լիովին անընդունելի են դիվանագիտական պրակտիկայի տեսանկյունից»,– նշել է Լավրովը։
ՌԴ ԱԳ նախարարը հիշեցրել է, որ Ռուսաստանը չէ, որ սկսել է խոչընդոտներ ստեղծել դիվանագետների աշխատանքի համար ։
