ԱՄՆ նախագահ Դոնալդ Թրամփը դեռ չի ուսումնասիրել երրորդ ժամկետի համար իր թեկնածությունն առաջադրելու հնարավորությունը, սակայն չէր հրաժարվի ընտրություններում մրցակցել ԱՄՆ նախկին նախագահ Բարաք Օբամայի հետ, այս մասին Թրամփն ասել է Օվալաձև աշխատասենյակում լրագրողների հետ զրույցում:
«Այժմ մարդիկ ինձ խնդրում են առաջադրել թեկնածությունս…. Նրանք ասում են, որ կա մի տարբերակ, որով դուք կարող եք դա անել, բայց ես չգիտեմ դրա մասին, չեմ ուսումնասիրել այդ հարցը», - ասել է նա։
Թրամփի խոսքով՝ ինքը «երջանիկ կլիներ», եթե դեմոկրատները նախագահական ընտրություններում առաջադրեին նախկին նախագահ Օբամային. «դա վատ չէր լինի»:
