Շվեյցարիայում արգելափակված ռուսական ակտիվների գումարը 2025 թվականի մարտի դրությամբ աճել է մինչև 7,4 միլիարդ շվեյցարական ֆրանկ (8,4 միլիարդ դոլար), այդ մասին հայտարարել է երկրի Տնտեսական հարցերի պետական քարտուղարության (SECO) ներկայացուցիչը տեսակապի միջոցով մամուլի համար կայացած ճեպազրույցում։Ըստ SECO-ի տվյալների՝ ավելացումը կապված է կատարված հետաքննությունների արդյունքների հետ, որոնց բովանդակությունը չեն հայտնում (1,7 մլրդ ֆրանկ), սառեցված ակտիվների արժեքի աճի (320 մլն ֆրանկ) և պատժամիջոցների ընդլայնման հետ (130 մլն ֆրանկ)։
Նշվում է, որ արգելափակված ակտիվների ընդհանուր գումարը կրճատվել է 510 մլն ֆրանկով՝ բացառիկ կարգով ապաարգելափակման դիմումների հաստատման, ակտիվների արժեքի կորստի և պատժամիջոցների ցանկից մի շարք անձանց բացառման հաշվին։2024 թվականի օգոստոսին համադաշնությունում սառեցված ռուսական ակտիվների գումարը կազմում էր 7,1 միլիարդ ֆրանկ (8 միլիարդ դոլար):Գերատեսչությունում նշել են, որ խոսքը վերաբերում է անշարժ գույքի օբյեկտների, ավտոմեքենաների, արվեստի ստեղծագործությունների, կահույքի ու երաժշտական գործիքների։
Ընդ որում, Շվեյցարիայում Ռուսաստանի Դաշնության Կենտրոնական բանկի սառեցված ակտիվների ընդհանուր գումարը մնացել է անփոփոխ 2024 թվականի օգոստոսի համեմատությամբ՝ 7,2 միլիարդ ֆրանկ (8,1 միլիարդ դոլար):
