Իսրայելի պաշտպանության բանակը (IDF) Գազայի հատվածի հարավային մի քանի շրջանների բնակիչներին կոչ է արել տարհանվել Ալ-Մավասիի հումանիտար գոտի, ասել է Իսրայելի պաշտպանության բանակի արաբալեզու խոսնակ Ավիչայ Ադրայը:
Անցած շաբաթ օրը իսրայելական բանակը հայտարարեց Ռաֆահի շրջանում ցամաքային գործողություն սկսելու մասին՝ Գազայի հատվածի հարավում անվտանգության գոտին ընդլայնելու նպատակով։
«Գազայի բնակիչներին Ռաֆահ, Ալ-Նասր և Ալ-Շաուքա մունիցիպալիտետներում, շրջանի արևելյան և արևմտյան հատվածներում, ինչպես նաև Ալ-Սալամ, Ալ-Մանարա և Կիզան Ալ-Նաջար շրջաններում, մենք կրկնում ենք մեր հրատապ նախազգուշացումները. դուք պետք է անհապաղ շարժվեք դեպի մարդասիրական գոտի,-ասված է X սոցիալական ցանցում արված հայտարարության մեջ:
Իսրայելի պաշտպանության բանակի ներկայացուցիչը կոչ է արել բնակիչներին հնարավորինս արագ լքել խնդրո առարկա տարածքները և չտրվել տեղահանությանը դիմակայելու ՀԱՄԱՍ-ի փորձերին:
