Իտալիայի վարչապետ Ջորջիա Մելոնին հայտարարել է, որ Ֆրանսիայի խորհրդարանի աջակողմյան «Ազգային հանրահավաք» կուսակցության խմբակցության ղեկավար Մարին Լը Պենի դատավճիռը միլիոնավոր քաղաքացիների զրկում է իշխանությունում իրենց ընտրված ներկայացուցչից։
«Ես մանրամասն չգիտեմ, թե ինչով է մեղադրվում Մարին Լը Պենը կամ ինչն է նման կոշտ որոշման պատճառը, բայց կարծում եմ, որ ոչ ոք, ով գնահատում է ժողովրդավարությունը, չի կարող ուրախանալ այն դատավճռով, որը հարվածում է խոշոր կուսակցության առաջնորդին և միլիոնավոր քաղաքացիներին զրկում իշխանությունում իրենց ներկայացուցչից»,-ասել է Մելոնին Messaggero թերթին տված հարցազրույցում։
Փարիզի դատարանը երկուշաբթի օրը դատապարտել է Մարին Լը Պենին և աջակողմյան «Ազգային հանրահավաք» կուսակցության մի շարք պատգամավորների՝ Եվրախորհրդարանի միջոցների յուրացման գործով։
Լը Պենին, ինչպես մեղավոր ճանաչված մյուս պատգամավորներին, դատարանն արգելել է ընտրվել պետական մարմիններում։
Լը Պենի նկատմամբ այս խափանման միջոցն ընտրվել է հինգ տարի ժամկետով՝ պատժի անհապաղ կատարումով։
