Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը կոչ է արել անհապաղ դադարեցնել բուժաշխատողների վրա հարձակումները և վերսկսել հրադադարը Գազայի հատվածում։ Նա ափսոսանք է հայտնել անկլավում գտնվող շտապօգնության աշխատակիցների վրա հարձակումը, որի արդյունքում զոհվել են Պաղեստինյան Կարմիր մահիկի ընկերության ութ բժիշկ։
«Գազայում մահացու հարձակումը Պաղեստինյան Կարմիր մահիկի շտապօգնության ութ աշխատակիցների վրա, երբ նրանք հերթապահում էին, ողբալի է», - գրել է ԱՀԿ-ի գլխավոր տնօրենը X-ում:
«Միջազգային մարդասիրական իրավունքի համաձայն՝ բուժաշխատողները պետք է մշտապես պաշտպանված լինեն», - ասել է Գեբրեյեսուսը: «Մենք սգում ենք մեր գործընկերների մահը և կոչ ենք անում անհապաղ դադարեցնել հարձակումները առողջապահության և հումանիտար աշխատողների վրա: Վերականգնեք հրադադարը»:
Գեբրեյեսուսն ընդգծել է, որ ԱՀԿ-ն նաև «լրջորեն մտահոգված է շտապ օգնության աշխատող Ասադ ալ Նասասրայի բարեկեցությամբ»: Նա եղել է Ռաֆահ մեկնած բժշկական թիմերից մեկի կազմում և համարվում է անհետ կորած:
