Ամերիկացի գիտնականները սկսել են ապաստան փնտրել արտասահմանյան ինստիտուտներում, գրում է Financial Times-ը։ «Ուղեղների արտահոսքը» սկսվել է համալսարանների նկատմամբ Դոնալդ Թրամփի քաղաքականության պատճառով:Թրամփի վարչակազմը դադարեցրել է որոշ համալսարանների ֆինանսավորումը։
ԱՄՆ-ում սառեցված են հսկայական թվով ծրագրեր, դասընթացներ, դրամաշնորհներ և տրանշներ: Ամերիկյան հաստատություններին արդեն դադարեցվել է 1 միլիարդ դոլարի ֆինանսավորումը և սառեցվել է ավելի քան 40 միլիարդ դոլար։ Հատկապես տուժել են Յեյլի և Կոլումբիայի համալսարանները: Քանի որ, բացի աշխատավարձից, գիտնականներին անհրաժեշտ է նաև ֆինանսավորում իրենց աշխատանքի համար սարքավորումներ և նյութեր ձեռք բերելու համար, նրանք սկսել են աշխատանքի նոր վայրեր փնտրել։Այսպես, Օքսֆորդի համալսարանը հայտարարել է, որ ավելի քան 20 հարցում է ստացել ամերիկացի գիտնականներից աշխատանքի համար։
Շվեդական հետազոտական համալսարանը նույնպես առաջարկել է աջակցել իրենց ամերիկացի գործընկերներին։ Կանադացի առաջատար հետազոտողները առաջարկել են, որ «Կանադան կարող է հիանալի «տուն» լինել այնպիսի տաղանդների համար, ովքեր ձգտում են աշխարհը ավելի լավը դարձնել գիտական հայտնագործությունների միջոցով: Բրյուսելի համալսարանը նաև ստեղծել է կայք և կոնտակտային կենտրոն «ռիսկի տակ գտնվող ականավոր հետազոտողների համար»:
