Կրեմլն ակնկալում է, որ Ռուսաստանի նախագահ Վլադիմիր Պուտինը առաջիկա օրերին կընդունի Չինաստանի արտգործնախարար Վան Յիին, ով երկուշաբթի կժամանի Ռուսաստանի Դաշնություն, ասել է պետության ղեկավարի մամուլի քարտուղար Դմիտրի Պեսկովը։
«Այո, մենք ակնկալում ենք, որ նախագահ Պուտինը կընդունի պարոն Վան Յիին, և նրանք կկարողանան շփվել: Համենայն դեպս, մեր երկու երկրների ղեկավարները միշտ փոխադարձաբար ընդունում են բարձրաստիճան պատվիրակություններին: Եվ Պուտինը վաղուց է ճանաչում Վան Յիին, և Վան Յին ճանաչում է Պուտինին, ուստի, մենք լավ հին ընկերներ և գործընկերներ ենք»,- լրագրողներին ասել է Պեսկովը:
Չինաստանի արտաքին գործերի նախարար Վան Ին երկուշաբթի օրը պաշտոնական եռօրյա այց կկատարի Ռուսաստան, որտեղ նա բանակցություններ կվարի ՌԴ ԱԳ նախարար Սերգեյ Լավրովի հետ և կքննարկի բարձր մակարդակի շփումները, երկու երկրների հարաբերությունների զարգացումը և միջազգային հարցեր, այդ թվում՝ Ուկրաինան։
Չինաստանի ԱԳՆ պաշտոնական ներկայացուցիչ Գուո Ցզյակունն ավելի վաղ հայտնել էր, որ այցը տեղի կունենա ՌԴ ԱԳ նախարար Սերգեյ Լավրովի հրավերով եւ կտեւի մարտի 31-ից ապրիլի 2-ը։
