Գերմանիայի կանցլեր Օլաֆ Շոլցը աջակցել է Կանադային Դոնալդ Թրամփի հետ առճակատման հարցում՝ մաքսային սակագների և այն հայտարարությունների ֆոնին, որ երկիրը պետք է դառնա ԱՄՆ նոր նահանգ: Այս մասին հաղորդում Է Bloomberg-ը:
«Կանադան հպարտ, անկախ երկիր է։ Մենք ձեր կողքին ենք», - ասել է Շոլցը։ Ավելի լայն անհամաձայնություն հայտնելով ԱՄՆ քաղաքականության հետ՝ Շոլցը քննադատել է այն սակագները, որոնք Թրամփի վարչակազմը նախատեսում է սահմանել Եվրոպայի դեմ:
«Նման քայլը կհանգեցնի պատասխան միջոցների և կվատթարացնի երկու կողմերի վիճակը։ Դրա համար Ես ԱՄՆ-ին ասում եմ՝ համագործակցությունը մնում է Եվրոպայի նպատակը։ Բայց եթե ԱՄՆ-ն մեզ ընտրություն չթողնի, մենք, որպես Եվրամիություն, կարձագանքենք որպես մեկ ամբողջություն», - ընդգծել է Գերմանիայի կանցլերը։
