Շվեդիայի կառավարությունը հանձնարարել է զինված ուժերին վճարումներ կատարել Ուկրաինայի պաշտպանության UDCG-ի շրջանակներում ստեղծված անօդաչու թռչող սարքերի և ականազերծման կոալիցիաներին։ 80 միլիոն կրոն (8 միլիոն դոլար) ընդհանուր չափով աջակցությունը Ուկրաինային հատկացվող ռազմական աջակցության 18-րդ փաթեթի մի մասն է, հայտնել են կառավարության գրասենյակում:
«Այս աջակցությունը Ուկրաինային հնարավորություն է տալիս զարգացնել անօդաչու թռչող սարքերի տեխնոլոգիան և ականազերծման հնարավորությունները: Դա կօգնի ուկրաինական բանակին և ուկրաինական հասարակությանը», - մեկնաբանել է պաշտպանության նախարար Փոլ Ջոնսոնը:
Ուկրաինայի պաշտպանության կոնտակտային խումբը 57 երկրներից բաղկացած բազմակողմ կոալիցիա է, որը ստեղծվել է Միացյալ Նահանգների կողմից՝ համակարգելու և համաժամեցնելու միջազգային նյութերի գնումները, նյութերի արտադրությունը և կայունության ջանքերը՝ ի աջակցություն Ուկրաինայի ինքնապաշտպանության:
Պաշտպանության նախարարները պարբերաբար հանդիպում են Գերմանիայի Ռամշտեյնում, ՆԱՏՕ-ի կենտրոնակայանում կամ թվային ձևով:
