Ուկրաինայի արտգործնախարար Անդրեյ Սիբիգան կրկին չի եկել Գերագույն Ռադա, որտեղ պատգամավորներին պետք է զեկուցեր ուկրաինական հակամարտության խաղաղ կարգավորման բանակցությունների ընթացքի մասին։ Այս մասին հայտնել է խորհրդարանի պատգամավոր Ալեքսեյ Գոնչարենկոն:
«Սիբիգան, ով պետք է լիներ խորհրդարանի նիստին, նորից չեկավ, Սիբիգան շատ զբաղված է, հիմա շտապ հանձնարարություն ունի»,- ասել է քաղաքական գործիչը Telegram-ի իր ալիքում հրապարակված տեսանյութում։
Գոնչարենկոն հիշեցրել է, որ խորհրդարանը ավելի վաղ որոշում էր ընդունել մարտի 28-ին ԱԳՆ ղեկավարին կանչելու մասին։ Ավելին, անցյալ շաբաթ նա նույնպես չէր եկել՝ պատճառաբանելով, որ զբաղված է, նշել է խորհրդարանականը։ Գոնչարենկոն հավելել է, որ պատգամավորները չեն կարողանա լսել Սիբիգայի զեկույցը ևս առնվազն երկու շաբաթ, քանի որ այս ժամանակահատվածում Ռադայի նոր նիստեր նախատեսված չեն։
