Իրանի ԱԳ նախարար Աբբաս Արաղչին իր բրիտանացի գործընկեր Դեյվիդ Լամիի հետ հեռախոսազրույցի ընթացքում հիասթափություն է հայտնել «եվրոպական եռյակի» (Մեծ Բրիտանիա, Գերմանիա և Ֆրանսիա) վերջին գործողություններից, հատկապես նոր հակաիրանական պատժամիջոցների ներդրման պատճառով։
Նա հայտնել է, որ Իրանի և եվրոպական երեք երկրների պատվիրակությունների միջև արդեն անցկացվել է բանակցությունների չորս փուլ, ԱԳ նախարարը հիասթափություն է հայտնել եվրոպական երկրների և ԵՄ-ի որոշ գործողությունների, «ոչ կառուցողական դիրքորոշումների առնչությամբ», հատկապես՝ նոր պատժամիջոցների ներդրման հետ կապված, և կոչ է արել երեք եվրոպական երկրներին վերանայել իրենց մոտեցումներն ու մեթոդները Իրանի նկատմամբ:
«Իրանը չի ընդունում դիվանագիտության կիրառումը որպես քաղաքական և հոգեբանական ճնշման գործիք»,-նշել է Արաղչին։
