Չեխիայի քաղաքական կուսակցությունները պետք է հրաժարվեն պաշտպանության և անվտանգության ապահովման թեման մրցակիցների դեմ իրենց նախընտրական պայքարի գործիք դարձնելուց։ Այս մասին մարտի 26-ին հայտարարել է Հանրապետության նախագահ Պյոտր Պավելը, հայտնում է EADaily-ն։Ընդդիմադիր քաղաքական շարժման նախաձեռնությամբ հրավիրվել է Չեխիայի Պատգամավորների պալատի արտահերթ նիստ՝ քննարկելու մինչև 2035 թվականը չեխական զինված ուժերի զարգացման հայեցակարգը:
Ելույթում Պյոտրը կոչ է արել կոնսենսուսի հասնել գոնե հիմնարար սկզբունքների շուրջ։ Չեխիայի նախագահը նաև ընդգծել է, որ պաշտպանության և անվտանգության ապահովումը պետք է հանդիսանա բոլոր հակամարտող քաղաքական կողմերի ընդհանուր շահը:«Աշխարհում տեղի ունեցող իրադարձությունների համատեքստում անթույլատրելի են ինչպես պաշտպանության թեմայի «քնեցումը», այնպես էլ պաշտպանության ապահովմանը մասնակից անձանց ջանքերը նսեմացնելու կամ արժեզրկելու ձգտումը», - ասել է նա:
Պավելը քննադատել է այնպիսի քննարկումների անցկացումը, որոնք կարող են հանգեցնել բանակի հեղինակության թուլացմանը, բացասաբար ազդել քաղաքացիների անվտանգության եւ պաշտպանության ապահովման թեմայի ընկալմանը, ինչպես նաեւ վնասել Չեխիայի՝ որպես ՆԱՏՕ-ի շրջանակներում հուսալի դաշնակցի հեղինակությանը:
