Հրադադարը չխախտելու մասին ՀՀ պաշտպանության նախարարությանը վարչապետ Նիկոլ Փաշինյանի հանձնարարությունն ուղիղ բարոյահոգեբանական հարված է երկրի զինված ուժերին։ Այս մասին ԱԺ պաշտպանության եւ անվտանգության խորհրդարանական մշտականհանձնաժողովի նիստում ասել է «Հայաստան» խմբակցության պատգամավոր Գեղամ Մանուկյանը։
Նրա խոսքով՝ երկրի զինված ուժերն իրենց լիազորությունների շրջանակում մշտապես հերքում են Հայաստանի կողմից հրադադարի ռեժիմի ենթադրյալ խախտումների մասին Բաքվի լայնածավալ ապատեղեկատվությունը։
Այս ֆոնին, ինչպես նշել է պատգամավորը, վարչապետի հրամանը անհարմար դրության մեջ է դնում երկրի սահմանին մարտական հերթապահություն իրականացնող զինված ուժերին ու աշխարհազորայիններին։Հանձնաժողովի նախագահ Անդրանիկ Քոչարյանն իր հերթին ասել է, որ ՀՀ կառավարության ղեկավարի այս հրամանը փոքր-ինչ այլ կերպ է ընկալում․
«Հայկական կողմը պարզապես չպետք է ենթարկվի ադրբեջանական կողմի սադրանքներին, ինչը միանգամայն բնական է, քանի որ մենք կանգնած ենք շատ ավելի կարեւոր նպատակների եւ խնդիրների առաջ, որոնց հասնելու համար պարզապես անհրաժեշտ են նման կոչեր»։
