Մեծ Բրիտանիայի վարչապետ Քիր Սթարմերը Ռուսաստանի նախագահ Վլադիմիր Պուտինի և Ամերիկայի առաջնորդ Դոնալդ Թրամփի զրույցից հետո վստահեցրել է Վլադիմիր Զելենսկիին Կիևին Լոնդոնի շարունակական աջակցության մասին, հայտնում է Դաունինգ սթրիթը։
«Վարչապետը զրուցել է նախագահ Զելենսկիի հետ։ Նրանք քննարկել են նախագահ Թրամփի առաջընթացը հրադադարի ուղղությամբ Ռուսաստանի հետ իր զրույցներում։ Վարչապետը վերահաստատել է Մեծ Բրիտանիայի շարունակական աջակցությունը»,- ասվում է Սթարմերի գրասենյակի հայտարարության մեջ, որը հրապարակվել է բրիտանական կառավարության կայքում։
Մարտի 18-ի երեկոյան տեղի ունեցած զրույցի ընթացքում Զելենսկին Մեծ Բրիտանիայի վարչապետին զեկուցել է ռազմաճակատում տիրող իրավիճակի մասին։
Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը երեքշաբթի հեռախոսազրույց են ունեցել, որը տևել է մոտ երկու ժամ։ Ռուսաստանի ղեկավարը, ի թիվս այլ բաների, դրական է արձագանքել հակամարտող կողմերի՝ 30 օրով էներգետիկ ենթակառուցվածքի օբյեկտների վրա հարձակումներից փոխադարձաբար հրաժարվելու գաղափարին և համապատասխան հրաման է տվել զինվորականներին։
