Չինաստանը միշտ աջակցել է ուկրաինական ճգնաժամի խաղաղ կարգավորմանը և կարևոր է համարում այս ուղղությամբ ցանկացած քայլ։ Այս մասին ճեպազրույցում հայտարարել է Չինաստանի ԱԳՆ պաշտոնական ներկայացուցիչ Մաո Նինգը՝ մեկնաբանելով ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի հեռախոսազրույցը։
«Չինական կողմը ի սկզբանե կողմ է եղել ուկրաինական ճգնաժամը երկխոսության և բանակցությունների միջոցով կարգավորելուն, ինչպես նաև հրադադարին ուղղված բոլոր ջանքերը համարում է անհրաժեշտ և կարևոր քայլեր խաղաղության հասնելու համար», - ասել է Չինաստանի ԱԳՆ խոսնակը։
